இவங்க ஜெயிக்க மாட்டாங்க..

கிரிக்கெட் பிரியர்களின் மத்தியில் 

நான்  நினைத்ததை 

சத்தமாகத்தான் கூறினேன்
 

“இந்தியா தோற்று விடும்” 

என்று..
 

வசையாடிய வார்த்தைகளை வாங்கிக் கொண்டது
வெரும் இருட்டை மட்டுமே 

சுமக்கும் என் இதயம்...

பூவா? ‌ தலையா? போட்டது முதல்
பரபரப்பானது அவரவர் வீடுகளின் 

வரவேற்பறைகள்.
 

எதிரணியினர் வீசுகின்ற பந்தை 

எதிர்கொள்ளும் வீரர்களுக்கு 

இங்கே படபடப்புகள்.. பாராட்டுக்கள்..
 

”இந்தியா தோற்று விடும்” என்று சொன்னதற்காக 

யார் வீட்டிலும் சேர்க்கப்படாமல் 

நானும் ஓடிக்கொண்டிருந்தேன்..

பரபரப்புகள் பற்றிக் கொண்டிருந்தும்
அபார வெற்றிக் கண்டது 

இந்திய வேங்கைகள்...

ஊரும் நாடும் 

கொண்டாடி மகிழ்ந்தது..

அப்போது...

என் கருவிழிகளின் ஓரத்தில் 

கசிகின்ற நீர்துளிகளை துடைத்துக் கொண்டு
‌எனக்குள்ளே சொல்லத் தொடங்கினேன்..
 

யாருக்கும் தெரியும் 

நான் நினைத்த எதுவும் 

நடக்க  போவதில்லை என்று...

அன்பு வாசகர்களே.. எதிர்மறையான கருத்தில் 

கவிதை சொன்னதற்க்கு மன்னிக்கவும்..

 

இந்திய அணிக்கு இந்த கவிதை சமர்ப்பணம்...
நம் அணி உலக கோப்பையை வெல்ல வாழ்த்துவோம்...

முந்தைய பதிவு : ஒரு மலரின் மரண அறிக்கை..

ஒரு கருத்து சொல்லிட்டு போங்க...
கீழே ஸ்கோர் போர்டு இருக்கு..  ஆளுக்கு ஒரு பவுணடரி அடிங்க...
எதாவது சொல்லிட்டு போங்க..