ஓங்கி வளர்ந்த
அழகிய சோலையை
அழித்து விட்டதாக கர்ஜித்தது
புயல்...!
விழுந்து விழுந்து
சிரித்துக் கொண்டிருக்கின்றன
மண்ணைத் தொட்ட
விதைகள்..!
************************************
ஊரெங்கும் உச்சத்தில் இருந்தது
சாதிக்கலவரம்...
வீதியெங்கும் ஓடித்தெளிகின்றன
ஆரறிவு மனிதனின் இரத்த ஆறுகள்...
எதையும் அறியாமல் விளையாடிக்கொண்டிருந்தன
இருசாதி குழந்தைகளும்..!
***********************************
நான் தடையேதும் சொல்லாமல்
ரசித்துக்கொண்டு இருந்தேன்...
ஒன்றும் அறியாத குழந்தை
என் கவிதை தாள்களை
கிழிக்கும் அழகை...!
************************************
என் முகநூலிலிருந்து...
வாசித்தமைக்கு மிக்க நன்றி..!!
நானா இருந்தா இழுத்துப்போட்டு நாலு சாத்து சாத்தி இருப்பேன்.
ReplyDeleteஅருமை நண்பரே
ReplyDeleteத.ம.4
மூன்றும் முத்தான கவிதைகள்.
ReplyDeleteமுக நூலில் இருந்து வாசிக்க தந்தமைக்கு நன்றி !
ReplyDeleteத ம 8