நண்பனுக்கான தகுதியிருக்கிறதா உனக்கு..

உள்ளத்தில் வேதனைதான்
உன் உதடுகள் உச்சரித்த வார்த்தைகளால்,,,

ஒருகனம் உன் சிந்தனையை
ஓடிப்போன நாட்களோடு ஓட விட்டுப்பார்,,,

‌அதில் அன்பாய் இருக்கும் என்னோடு
நீ அன்பு காட்டிய நாள் இல்‌லை,,,

நீ தெரிந்து இழைத்த தவறுக்காய்
நான் கோவப்படவும் இல்லை
நீ மன்னிப்புக் கோரவும் இல்லை,,,

நீயே கிழித்துக்கொண்ட உன் சட்டைக்காக
உன் தாயாரிடம் மண்டியிட்டுள்ளேன் நான்
மௌனித்திருந்தாய் நீ,,,

மாங்காய் திருடிவிட்டு
தோப்புகாரனிடம்
மாட்டிக்கொண்ட போதும்,,,

 டிக்கெட் வாங்காமல் சோதனையாளரிடம் 
பதில் ‌சொல்ல முடியாமல்
விழித்துக்கொண்டிருந்த போதும்....

முக்கிய தேர்வு என்று தெரிந்தும்
வராத பள்ளி நாட்களில்
உனக்காக வாதாடியதும்...

எனது கடமையாயிருந்தது...

ஓ... நண்ப‌னே
என் உண்மையான நட்பை
எத்தனையோ முறை உணர்த்திருக்கிறேன்...

நீயோ அதிலிருந்து
ஒதுங்கியே இருந்திருக்கிறாய்...

ஆனால்

கடந்த மாதம் வாங்கிய
இருபது ரூபாவை திருப்பித் தந்து விட்டு
எப்படி சொல்ல முடிகிறது

உனக்கும் எனக்கும்
கடன் ஏதும் இல்லையென்று....

முந்தையப் பதிவு : 

கோமாளி செல்வாவும் விண்டோசும்...!

நேற்று இந்தியாவை கொண்டாட வைத்த
தன்னம்பிக்கை தருணங்கள்..

இன்னும் ஒரு போர்... ஒரு போட்டி... ஒரு சாதனை...
காத்திருப்போம்  அந்த தருணத்திற்காக...