அவள் வராத நாட்களில் இப்படித்தான் நடக்கும்...

முதல் நண்பனாய்

கால்களில் ஒட்டி இம்சிக்கும்

மெல்லிய மணல்...

பாசம் கொண்டு

பணிந்து என் பாதம் தொட

வந்துப்போகும் அலைகள்....

சிவந்த கீழ்வானில் 

வரைந்து வைத்த ஓவியமாய்

பாய்மரக்கப்பல்....

காற்றில் மிதந்து காதில் விழுகிறது 
இளம்காதல் ஜோடிகளின்

 முத்த சப்தம்....

அழுத்தம் திருத்தமாய் 

பதித்துவிட்டுப்போயிருக்கும்

காதலர்களின் பாதச்சுவடுகள்....

உயிர் தேடி
உள்ளிருந்து வெளியில் வந்து
எனைப்பார்த்து ஓடிஒளியும் நண்டு...

அடிக்கடி ராகத்தால்
மௌனத்தை கலைத்துவிட்டு போகும்
சுண்டல் விற்கும் பையன்...

இவைகளை மட்டுமே 

ரசித்து விட்டுச் செல்கிறேன்...

வருகிறேன் என்று சொல்லி

அவள் வராத நாட்களில்...

கருத்திடுங்கள்... வாக்களியுங்கள்...
கவிதையால் இணைந்திருப்போம்....