மங்காத்தா, வேலாயுதம் - எதிர்கால பயத்தில் அஜித், விஜய்..

எம்.ஜி.ஆர்- சிவாஜி,  ரஜினி-கமல், என்ற தமிழ் சினிமாவில் இரட்டைகுழல் துப்பாக்கிப்போன்று தமிழ் திரைஉலகை தன் பக்கம் திரும்ப வைத்தவர்களின் பட்டியலில் அடுத்து வந்தவர்கள் விஜய்-அஜித்.

1992-ல் நாளைய தீர்ப்பில் விஜயும், அதே ஆண்டில் பிரேம புஸ்தம் என்ற தெலுங்கில் அறிமுகமாகிய அஜித் அமராவதி படத்தின்மூலம் தன்னுடைய தமிழ்பட வரலாற்றில் இணைந்துக் கொண்டார். ஆரம்பக்காலங்களில் இருவருக்கும் நிறைய பின்னடைவுகள் இருந்தாலும் தன்னுடைய விடாமுயற்ச்சியால் இருவரும் தமிழ் திரைவுலகின் பிரபல நட்சத்திரங்கலாக உயர்ந்தனர். தற்போது வரை அந்த இடத்தை தக்க வைத்துக் கொண்டும் இருக்கின்றனர்.

விஜயை பொருத்த வரை மசாலா படங்களுக்கு அதிக முக்கியத்துவம் கொடுத்து தன்னை ஒரு அதிரடி ஹீரோவாக முன்னிருத்திக் கொண்டார். பூவே உனக்காக, காதலுக்கு மரியாதை, துள்ளாத மனமும் துள்ளும் படங்கள் தான் விஜயை தமிழகத்தின் பட்டித்தொட்டிக்கெல்லாம் அறிமுகம் செய்து வைத்தது. அதை தொடர்ந்து விஜய் நடித்தால் அது கண்டிப்பாக வெள்ளிவிழா படமாகத்தான் இருக்கும் என்ற நிலையை விஜயும் அவரது ரசிகர்களும் உறுவாக்கினார்கள். குஷி, திருமலை, கில்லி, திருப்பாச்சி,  போன்ற படங்கள் வசூலில் சாதனைகள் புரிந்தது.

ஆனால் தற்போது தன்னுடைய நடிப்பு பாணியை மாற்றாததாலும் ஒரே மாதிரியான கதையை தேர்ந்தெடுப்பதினாலும் சாதாரண ரசிகன் கூட நம்ம முடியாத காட்சி அமைப்பாலும் விஜயின் படங்கள் தொடர் ‌தோல்வியை சந்திக்க வேண்டியிருந்தது. சமீபத்தில் வெளியான அழகிய தமிழ்மகன் (2007), குருவி (2008),  வில்லு, வேட்டைக்காரன் (2009), சுறா (2010) போன்ற படங்கள் மிகப்பெரிய தோல்விப்படங்களாக அமைந்து விட்டன. ‌மேற்கண்ட படங்கள் காட்சி அமைப்புகளில்  ஒரே மாதிரியான படங்கள் என்பதால் இந்த பிண்ணடைவு என்று ரசிகர்களால் நம்பப்படுகிறது.

ஆண்டுக்கு ஒரு படம் என்றாலும் கூட அதை வெற்றிபடமாக மாற்றமுடியாமல் திண்டாடிய விஜய்க்கு ஒரு ஆறுதலாக இறுதியாய் வெளிவந்த காவலன் ஒரு ஆறுதல் படமாக இருந்தது.....

அஜித்தை பொருத்த வரை ஆரம்பக்கட்டத்தில் கொஞ்சம் நிதானமாய் ஆரம்பித்து பின் ஆசை, காதல் கோட்டை, காதல் மன்னன் போன்ற வெற்றிப்படங்களின் மூலம் தன்னுடைய சுயமுன்னேற்றத்தின் விளைவாக தன் பெயரை தமிழ் திரைவுலகில் தடம்பதித்தார். வாலி, முகவரி, தீனா, சிட்டிசன், வில்லன் என வசூலில் சாதனைப்படைத்த படங்கள் அஜித்திடம் அதிக எதிர்பார்ப்பை ஏற்ப்படுத்தியது. படத்திற்க்கு படம் வித்தியாசம் என காட்டியும் அவருடைய சிலப்படங்கள் அவருக்கு பின்னடைவை கொடுத்தது.

சமீபத்தில் வெளிவந்த  ஆழ்வார், கிரீடம், ஏகன, அசல், போன்ற தொடர் தோல்வி படங்களுக்கு பிறகு மிகுந்த குழப்பத்தில் இருக்கிறார் அஜித். அவருடை பில்லா-1 மட்டும் கைகொடுத்தபிறகும்  அடுத்து வந்த ஏகனும், அசலும் இவருக்கு சறுக்கலாகவே அமைந்திருக்கிறது.

இந்நிலையில் தமிழில் தன்னுடைய இமேஜை தக்கவைத்துக் கொள்ள அவர்கள் அதிக அக்கறைக்காட்டி நடித்துக் கொண்டிருக்கும் படங்கள்தான் வேலாயுதம், மங்காத்தா, இப்படங்களில் எந்தப்படம் வெற்றி பெறும் எந்தப்படம் தோல்வியடையும் என்று தற்போது சொல்லுவதற்க்கு இல்லை.

எந்த நேரத்தில் ‌வெளிவந்தாலும் இவர்கள் படம் ஓடும் என்ற நிலைமாறி எப்போது வெளியிடலாம் என்று எதிர்ப்பார்த்துக் கொண்டிருக்கிற காலத்தில் இவர்கள் இருக்கிறார்கள்.

விஜய்க்கு அடுத்து சங்கரின்-நண்பன், கவுதம்மேனனின்-ரோஹன், மணிரத்தினத்தின்-பொன்னியின் செல்வன் பெரிய இயக்குனர்கள் புண்ணியத்தில் வலுவான படங்கள் வெளிவர வாய்ப்பிருக்கிறது.

அஜித்தை பொருத்தவரை லிங்சாமி தயாரிப்பில் பில்லா-2, வாசுவின் இயக்கத்தில் சந்திரமுகி-2 என இரண்டுப்படங்கள் அவருடைய இமேஜை தூக்கி நிறுத்தக்கூடிய படங்கலாக இருக்கும் என இவரது ரசிகர்கள் நம்பிக்கையில் உள்ளனர்.

இரண்டு ஜாம்பாவன்கள் நல்ல கதையை தேர்ந்தெடுத்து நடிப்பை மேம்படுத்தி நடித்து தன்னுடைய ரசிகர்களை உற்சாகத்தில் ‌வைத்துக் கொண்டிருந்தால் ஆரோக்கியமான போட்டியுடன் இருதரப்பு ரசிகர்களின் ஆதரவில் தமிழ் திரைவுலகம் அணிவித்த கிரிடத்தை இவர்கள் என்றன்றைக்கும் கழட்டாமல் இருக்கலாம். இது இருதரப்பு ரசிகர்களின் ஆதங்கம்.