கணவர்கள் நலச் சங்கம்..

 

“காலம் ரொம்ப மாறிப் போச்சு சார்!”

“எதனாலே அப்படிச்  சொல்றீங்க?”

“பேப்பரைப் பாத்த்தீங்களா?”

“என்ன போட்டி்ருக்கு?”

“பெங்களூர்லே கணவர்கள் நலச் சங்கம்..ன்னு ஓர் ‌அமைப்பு ஆரம்பிச்சிருக்காங்களாம்!”

“‌அப்படியா?”

“ஆமாம்! இதை ஆரம்பிச்சிருக்கிறவர் ஓர் ஓய்வு பெற்ற காவல் துறை அதிகாரியாம்.. இப்போ கர்நாடக மாநில உயர்நீதி மன்றத்துலே வழக்கறிஞரா இருக்காராம்!”

“எதுக்காக இப்படி...?”

“வரதட்சணைக் கொடுமை, வரதட்சணைச் சாவு, தற்கொலைக்குத் தூண்டுதல்... இது மாதிரி சட்டப் பிரிவுகள் எல்லாம் திருமணமான பெண்களுக்குச் சாதகமா அமைஞ்சிருக்காம். ஆனால் சட்டத்தின் எல்லாப் பிரிவும் ஆண்களுக்குச் சாதகமா இல்லையாம். குடும்பப் பிரச்சனையிலே கணவனோ, மனைவியோ யார் தவறு செய்தாலும் தண்டிக்கபடுவது கணவன்தானாம், இந்தக் கொடுமையிலிருந்து பாதுகாக்கத்தான் இந்த கணவர்கள் நலச் சங்கமாம்!”

“கணவனும் மனைவியும் ஒருத்தரை ஒருத்தர் நல்லாப் புரிஞ்சிக்கிட்டு நடந்துக்கிட்டா வாழ்க்கையிலே எந்தச் சிக்கலும் வராது சார்! விட்டுக் கொடுக்கிற மனப்பான்னை வேணும்... எங்க வீட்டுலே பாருங்க... எப்பவும் அப்படித்தான்.. சின்னச் சின்ன பிரச்சனைகளை அவகிட்டே விட்டுடுவேன்.. பெரிய பிரச்சனைகளையெல்லாம் நான் எடுத்துக்குவேன்!”

“சின்ன பிரச்சினைன்னா எது..?”

““பையனை கல்லூரியிலே சேர்க்கறது.. ‌பெண்ணுக்கு மாப்பிள்ளை தேடரது.. புதுசா வீடு கட்டறது.. இதெல்லாம்தான்...!”

“பெரிய பிரச்சினைன்னா..?”

“இலங்கைப்பிரச்சனை.. காஷ்மீர்ப் பிரச்சனை... ஈராக்.. ஈரான்... இது மாதிரி..!”

(நன்றி தென்கச்சி சுவாதிநாதன்)

உண்மைதான் இன்றை காலகட்டத்தில் பெண்களுக்கு நிறைய சுதந்திரம் கொடுத்து அவர்களுக்கு ஆதரவாக பல்வேறு சட்டங்களையும் வகுத்து பெண்ணினத்தின் உயர்வுக்கு வழிசெய்தால் தற்போது அதை பலபெண்கள் ஆண்களை பழிவாங்க பயன்படுத்துகின்றனர்..
 
காவல் துறையிடம் எதை சொன்னால் ஒரு ஆடவர் மீது உடனடியாக நடவடிக்கை எடுப்பார்கள் என்று தெரிந்து கொண்டு அந்த வழியை பின்பற்றுகிறார்கள்...
 
இந்த சமுதாயம் பெண்களை மிகஉயரிய அந்தஸ்த்தில் வைத்துபார்க்கிறது அதை பெண்கள் கண்டிப்பாக உணர்வார்கள் சில பெண்கள் செய்யும் தவறால் அதிலிருந்து அவர்களை இறக்கிவிட முடியாது... ‌என்றும் பெண்கள் இந்த நாட்டிக் கண்களாகவே இருக்க விரும்புகிறேன்..

(குறிப்பு : இது பெண்களுக்கு எதிரான பதிவு அல்ல அப்படி நீங்கள் நினைத்தால் பின்னுட்டத்தில் குறிப்பிடுங்கள் இதை நீக்கி விட நான் தயார்)