அந்த பழக்கம் உள்ளவரா நீங்கள்...

 

  
“கையிலே அது என்ன புத்தகம்?”

“மகாபாரதம்.”

“அப்படின்னா உங்ககிட்டே ஒரு கேள்வி.”

“கேளுங்க!”

”சூதாட்டத்தைப் பத்தி என்ன நினைக்கிறீங்க?”

“இது ‌ரொம்பத் தப்பான ஒரு பழக்கம்.”

“அந்தப் பழக்கம் வர்றதுக்கு என்ன காரணம்?”

“மனசுதான் காரணம்!”

“ஒரு ஹார்மோன் குறைப்பாடுதான் அதுக்குக் காரணமன்னு நிபுணர்கள் சொல்றாங்க!”

“அப்படியா?”

“ஆமாம்.. சார்ல்டன் - அப்படின்னு ஒரு ம‌னோதத்துவ நிபுணர்... அவர் ஒரு நூறு சூதாடிகளைத் தொடர்ந்து பரிசோதனை பண்ணிக்கிட்டு வந்தார். கடைசியிலே என்ன கண்டு பிடிச்சார் தெரியுமா?”

“என்ன கண்டுப்பிடிச்சார்?”

“செரோடோனின் (Serotonin)ங்கற ஹர்மோன் குறைச்சல் தான் இந்த சூதாட்டப் பழக்கத்துக்குக் காரணமன்னு கண்டுப்பிடிச்சார்..!”

“‌அப்படியா?”

“ஆமாம்.. சின்ன வயசுலேயே அடிக்கடி மன இறுக்கத்துக்கு (Tension) ஆளாகிற குழந்தைகளுக்கு செரோடோனின் குறைந்து விடுமாம்.  அப்புறம் சூதாட்டம் பரம்பரை வியாதியாகலாம். செரோடோனின் குறைச்சலை ஈடு செய்ய சரியான மருந்து மட்டும் வந்துட்டா நாட்டில் சூதாட்டமே ஒழிஞ்சுடும்ங்கறார் அந்த நிபுணர்..”

“இப்போதைக்கு நமக்குக் கிடைச்சிருக்கிற மருந்து இந்த மகாபாரதம் தான்..!”

“உங்களுக்கு ஒரு சேதி தெரியுமா? எங்க அப்பாவுக்கு நாங்க அஞ்சு பிள்ளைங்க.. மகாபாரதம் படிக்கலேன்னா கூட நாங்க அஞ்சு பேரும் பஞ்ச பாண்டவர்கள் தான்..!”

“அது எப்படி?”

“சொத்து எல்லாத்தையும் சூதாட்டத்துலே விட்டுடுட்டோம்...!”

நன்றி  : தென்கச்சி சுவாமிநாதன்

இன்று நாம் நாடு கெட்டு குட்டிச்சுவராய் ஆனதற்கு இந்த சூதாட்டம் தான் காரணம் கிராமத்தில் 5, 10 க்கு ஆரம்பித்து சர்வதேச நிலையில் 50 கோடி.. 100 கோடி என நீள்கிறது..

 நாம் எல்லோறும் ஏதோ ஒரு சூதாட்டத்தில் ஈடுபட்டுக்கொண்டுதன் இருக்கிறோம்..   பிறந்த கு‌ழந்தைகள் முதல் முதியோர் வரை எவ்வளவு பந்தையாம் என்று வார்த்தையில் ஆரம்பித்து நம்மை அறியாமலயே நம்மை சூதாட்டத்தில் ஈடுபடுத்திக் கொள்கிறோம். சிறிய பருவத்தில் ஒரு முறை அல்லது இரு முறை சொல்லி பார்த்து பெற்றோர்கள் விட்டு விடுகின்றனர். அந்த பழக்கம் கொஞ்சம் கொஞ்சமாக வளர்ந்து இளைஞன் ஆனதும் மிகப் பெரியதாக ஆகிவிடுகிறது..

சீட்டாடம்,  காட்டன் பேரம், குதிரை ரேஸ். தாயம்,  மூணு சீட்டு,  விளையாட்டில் எந்த அணி ஜெயிக்கும், எந்த அணி தோற்கும்,  என்று ஏதாவது ஒரு பந்தயத்தில் தன்னுடைய உழைப்பு, செல்வம்? உடமை, நேரம், என அத்தனையும் வீணடித்துக் கொண்டிருக்கிறோம். 

நம் கண்முண்னே எத்தனையோ குடும்பங்கள் இந்த சூதாட்ட சூழலில் நடுத் தெருவுக்கு வந்திருக்கிறார்கள் என்று நமக்குத் தெரியும் இருந்தாலும் இதையெல்லாம் நாம் ஒரு பொருட்டாக எடுத்துக் கொள்வதில்லை. அதே நிலமை நமக்கு வரும் போது தான் அதைப்பற்றி நாம் உணர்கிறோம். 

அது காலம் தாழ்த்திய செயல்
கண்கணை இழந்தப்பின் 

காணுகின்ற சூரிய உதயம்..

புகைப்பிடிப்பவன் அந்த பாதிப்பு  பெரியதாக ஆனப்பின்தான் கவலைப்பட்டுக் கிடப்பான்  அது வரை யார் என்ன அறிவுரைச் சொன்னாலும் ஏற்றுக்கொள்ள மாட்டான் அது போல் தான் சூதாட்டமும்.

சூதாட்டத்தில்
இலாபம் அடைந்தவர்கள் 10 பேர்..
ஆனால் இழப்பைசந்தித்தவர்கள் 100 ‌பேர்..

சின்ன வயதில் கிரிக்கெட் பார்க்கும் போது.. விளையாட்டாக சொல்வோம் அவன் காசு வாங்கி கொண்டு ஆடுகிறான் என்று.. ஆனால் அதுவே ஒரு காலத்தில் உண்மையாகிவிட்டது.. இந்நிலை நீடித்தால் நாடு அழிவு பாதைக்கே இட்டுச் செல்லக் கூடும். இந்தியா 2020 வல்லரசு கணவை பூர்த்தி  செய்ய சூதாட்டங்களில் இருந்து கொஞ்சம் விலகிநிற்போம்.