நீங்க எந்த மாதிரி ஆளு..

“என்ன... ஒரு மாதிரியா வர்றீங்க?”

“நான் ஒரு பைத்தியம்.. என் வீட்டுக்காரி சொல்றா...!”
 

“எங்க வீட்டுலேயும் எனக்கு அப்படித்தான் பேரு..! அதுக்காக நான் கவலைப்படறேனா..? விட்டுத் தள்ளுங்க சார்.. வீட்டுக்கு வீடு இதெல்லாம் சகஜம்!”
 

“என்ன இப்படிச் சொல்றீங்க!”
 

“வேறே எப்படிச் சொல்லச் சொல்றீங்க..? உங்களுக்குத் தெரியுமா.. ஒரு புள்ளி விவரம்...?
 

“என்னது..!”
 

“நம்ம நாட்டுலே 26 சதவீதம்பேர் மனநிலை பாதிப்புக்கு ஆளானவங்கத்தானாம்! பல்வேறு காரணங்களா‌லே இப்படி ஆயிடறாங்களாம்..!”
 

“யாரு சொல்றது இப்படி?”
 

“இந்திய மனநல மருத்துவர்கள் சங்க மாநாட்டுலேயே இந்தக் கருத்தைத் தெரிவிச்சிருக்காங்க!”
 

“வேடிக்கையாத்தான் இருக்கு!”

“அது மட்டுமில்லே... அலெக்சாண்டர், ஹிட்லர், நெப்போலியன்,... இவங்கள்லாம்கூட ஒவ்வொரு கால கட்டத்துலே மனநிலை பிறழ்ந்தவங்களாதான் இருந்திருக்காங்க!”
 

“நீங்க சொல்றதெல்லாம் நியாயம்தான் சார்... ஆனாலும் நான் எப்பேர்ப்பட்ட ஆள்? எல்லா விஷயத்துலேயும் எவ்வளவு தெளிவா இருக்கிறவன்.. என்னைப்போய் இப்படிச் சொல்றாளே.. அதுதான் மனசுக்கு ரொம்ப வேதனையா இருக்கு!”
 

“அவங்க அப்படி சொல்ற அளவுக்கு நீங்க நடந்திருப்பீங்க...!”
 

“‌வேறே ஒண்ணுமில்லீங்க.. எனக்கு பச்சைக் கலர் செருப்புதான் வேணும்.. கருப்புக் கலர் செருப்பு வேணாம்னு சொன்னேன். அது ஒரு தப்பா..?”
 

“அதுலே ஒண்ணும் தப்பு இல்லையே... எனக்குக் கூடப் பச்சைக் கலர் செருப்புதான் பிடிக்கும்...!”
 

“பார்த்தீங்களா..! இப்ப சொல்லுங்க.. நீங்க எப்படி.. அதைப் பொரிச்சி சாப்பிடுவீங்களா? இல்லே வேகவச்சி சாப்பிடுவீங்களா?”

( நன்றி சுவாமிநாதன்)

உண்மைதாங்க... ஒவ்வொறு மனுஷனும் மனநிலை பாதிப்பாட்டவர்கள்  தான் ஆனா அவங்க அதை வெளிப்படுத்துகிற அ‌ளவை வைத்து அவர்களது நிலைமையை கணிக்கப்படுகிறது.. 

குழந்தை, குடிக்காரன், ஞானிகள், அதிகம் படித்தவர்கள். வாழ்க்கையை வெறுத்தவர்கள், அதிக தொந்தரவில் இருந்து வெளிப்பட்டவர்கள் எல்லாம் தன் மூளையின் உத்தரவுகளுக்கு கட்டுப்படுவதில்லை தான் நினைத்ததை செய்துக் கொண்டு இருப்பார்கள்..
 

சில சமயங்களில் சம மனநிலையில் இருப்பவர் கூட அவர் செய்யும் செயல், ‌வேலைகள் அவர்களுக்கே ஆச்சரியத்தை ஏற்படுத்தும் வகையில் இருக்கும் நாமா இதைசெய்தது என்று எண்னி நகைப்பார்கள்..

இந்த மனநிலை மாற்றத்திற்கு முதல் காரணமாக அமைவது சமுகத்தோடு இந்த குடும்பமே. வறுமை..  வேலையின்மை, கடன் தொல்லை, உறவுகளின் தொல்லை, இயலாமை, இன்னும் சொல்லிக் கொண்டே போகலாம் இதிலெல்லாம் ஒரு மனிதான் தாக்கு பிடித்து வாழ பழகிக் கொள்ள வேண்டும். எந்த நேரத்திலும் மனதளவில் பலவினமான நாம் நடக்க தொடங்கினாலும் அது ந‌மக்கே ஆபத்தாக அமைந்து விடும்

வாழ்க்கை மிகப் பெரியது.. அதில் சுயநினவோடும், சகிப்புத்தன்மையோடு வாழப்பழகுவோம்.. அப்போது இந்த உலகம் நமக்கு கம்பளம் விரிக்கும்..

இறுதியாய் ஒரு நகைச்சுவை துணுக்கு :
 
“ரஷிய அதிபராக இருந்த புதின் ஒருமுறை, மனநல மருத்துவமனைக்கு விஜயம் செய்தார். ஒரு மன நோயாளி “நீங்கள் யார்?” என்று கேட்டான்.
 
அதற்கு புதின் “நான்தான் இந்த நாட்டின் அதிபர்” என்றார்.
 
உடனே அந்த மனநோயாளி சொன்னான். “இதைத்தான் நானும் ரொம்ப நாளா சொல்லிக்கிட்டு இருக்கேன். என்னையப் புடிச்சி இங்கே போட்டுடாங்க. நீங்களாவது வாயை வச்சிக்கிட்டு சும்மா இருங்க” என்றான்.

இதை கேட்ட புதினுக்கு அழுவதா சிரிப்பதா என்று தெரியாமல் அசடு வழிந்தாராம்.
 

நண்பர்களே ஏதோ என் அறிவுக்கு எட்டிய அளவுக்கு கருத்து சொல்லிட்டேன் இது சரியா? தவறா? நீங்கதான் சொல்லனும்.
தவறிறுந்தால் சுட்டிக் காட்டுங்கள்.. தங்கள் வருகைக்கு நன்றி..

இந்த பதிவுலகம் தரமான பதிவுகளுக்கு ஆதரவு தரும் என்று நம்புகிறேன்..