அம்மா உணவகத்திற்கு பிரபல பதிவர்கள் திடீர் விஜயம்...! உண்மை பிண்ணனி என்ன?

சென்னை மாநகரில் வாழும் ஏழை மக்கள், கூலிப்பணியாளர்கள். ஓட்டுனர்கள், பாரம் தூக்குபவர்கள், பணி நிமித்தமாக சென்னை வந்து செல்பவர்கள் என, அனைவரும், சுகாதார மற்றும் தரமான உணவை, மலிவு விலையில் பெறும் வகையில் அம்மா உணவகம் திறக்கப்பட்டது.

1 ரூபாய்க்கு, இட்லி; 3 ரூபாய்க்கு தயிர் சாதம் மற்றும், 5 ரூபாய்க்கு சாம்பார் சாதம் என வினியோகம் செய்யப்பட்டு வருகிறது.

இதில் தயிர்சாதத்துக்கு ஊறுகாய் தருவார்களா அல்லது தரமாட்டார்களா என்ற பட்டிமன்றமெல்லாம் தற்போது ஓடி முடிந்திருக்கிறது.

இந்நிலையில் பிரபல பதிவர்கள்  சென்னை தி.நகரில் உள்ள இந்த உணவகங்களை தேடி சென்று காலை உணவாக இட்லி சாப்பிட்டு விட்டு திரும்பியிருக்கிறார்கள். 

இவர்கள் எத்தனை இட்லி சாப்பிட்டார்கள், அதற்கான செலவு எவ்வளவு, அதற்கான தொகையை செலுத்தியது யார் என்ற கேள்விகளும், அங்கு சென்றதற்கான காரணம் மற்றும் பிண்ணனி என்னவென்று இதுவரை மர்மமாகவே இருக்கிறது.

ஒருவேளை இவர்கள் அம்மா உணவகத்தை ரகசியமாக ஆய்வு மேற்கொண்டார்களா... அந்த ஆய்வின் அடிப்படையில் அந்த உணவகத்தைப்பற்றி நல்ல முறையில் அல்லது எதிராக கருத்து தெரிவிப்பார்களா என்று பதிவுலகமே ஆவலுடன் எதிர்பார்த்துக்கொண்டிருக்கிறது.

எப்பூடி....