பதிவுலகம் மறந்த டாக்குடரு... வாசகர்கள் மறக்காத விஜய் ..!

இயக்குநர் மகன் என்ற அந்தஸ்துடன் நாளைய தீர்ப்பு படம் மூலம் தமிழ் திரைவுலகில் கதாநாயகனாக அறிமுகமாகி,  பூவே உனக்காக.. மற்றும் காதலுக்கு மரியாதை போன்ற படங்களுக்கு பிறகு தமிழ் ரசிகர்களால் அதிகம் கவரப்பட்டவர் இளைய தளபதி விஜய்...

துள்ளாத மனமும் துள்ளும், குஷி, பிரண்ட்ஸ் படங்களுக்கு பிறகு விஜய்யின் நட்சத்திர ‌அந்தஸ்து எக்குத்தப்பாக எகிறியது. அதன்பிறகு அவரது படங்கள் பரபரப்பப்பட்டது. ரசிகர்கள் பட்டாளமும் அதிகமானது. அதன்பிறகுதான் விஜய் காய்ச்சல் தமிழகத்தில் எங்கும் பரவ தொடங்கியது. படம் ஓடவில்லை என்றாலும் தியாட்டர்கள் 10 நாட்களுக்கு திருவிழா கோலமாக இருக்கும்.

திருமலை, கில்லி, திருப்பாச்சி போன்ற மசாலா கதையம்சம் கொண்ட படங்கள்மூலம் தன்னுடைய இமேஜை தக்கவைத்துக்கொண்டார். ஆனால் அதன்பிறகு என்னவாயிற்று என்று தெரியவில்லை. விஜய் தமிழ் திரை உலகை விட்டு கொஞ்சம் விலகி ஹாலிவுட் படங்களில் நடிக்க ஆரம்பித்து விட்டார். அப்படி அவர் நடித்த சர்வதேச படங்கள் போக்கிரி, குருவி, வில்லு, வேட்டைக்காரன் சுறா (சுறா படத்தை என்னால மறக்க முடியாதுங்க... என் வாழ்நாளில் ஏன்டா இந்த படத்துக்கு வந்தோம் என்று பீல் பண்ணப்படம்) போன்ற படங்கள் அவரை சர்வதேச அளவுக்கு உயர்த்தியது.

சூப்பர் ஹூரோ ஆகவேண்டும் என்ற விஜய்யின் கனவு தமிழகத்தில் மட்டும் எடுபடவில்லை. இறுதியாய்  காவலன், வேலயாயுதம், நண்பன், கைகொடுக்க.. தற்போது துப்பாக்கி படத்தைத்தான் அவரும் அவரது ரசிகர்களும் அதிகம் எதிப்பார்க்கும் படமாக இருக்கிறது. துப்பாக்கி பெயர் கள்ளத்துப்பாக்கியோடு ஒத்துப்போகிறது என்ற பெயர் பிரச்சனை இன்னும் தீராத நிலையில் என்ன செய்வது என்று குழப்பத்தில் இருக்கிறார் விஜய்... அதிக பட்சமாம கண்டிப்பாக தீபாவளிக்கு துப்பாக்கி படம் பிரச்சனைகளை தீர்த்து வெளிவரும் என்று நம்பிக்கை இருக்கிறது.

அது இருக்கட்டும் என்னடா இவன் தலைப்பை இப்படி வச்சிட்டு ஏதேதே சொல்லிகிட்டு இருக்கானே என்று பார்ப்பவர்களுக்கு...

கொஞ்ச காலத்துக்கு முன் பதிவுலகில் எந்தப்பக்கம் திரும்பினாலும் விஜய் பற்றிய பதிவு இருக்கும். பதிவுலக மாமாமேதை.. மன்னிக்கனும் மாமேதை ப.ரா. என்று எல்லோராலும் செல்லமாக (பார்ரா...) அழைக்கப்படும் பன்னிக்குட்டி ராமாசாமி அவர்கள் விஜய்-க்கு டாக்குடரு... என்று பெயர் வைத்த பிறகு எங்கு பார்த்தாலும் டாக்குடரு மயமாகவே இருந்தது.

அப்புறம் ராஜபாட்டை ராஜா மற்றும் இன்னும் சில பிரரரரரரரரரபல பதிவர்கள் தன்னுடைய அனைத்து பதிவு தலைப்பிலும் விஜய் பெயர் இடம் பெயரும்படி செய்தார்கள். (அதற்கு காரணம் எனக்கு இப்பத்தாங்க தெரியுது) நானோ விஜய் பற்றி ஒரு சில பதிவுகள் தான் போட்டிருக்கிறேன். ஆனால் பர்ருங்க என்னுடைய தளத்தில் கூகுள் (Search Keywords) மூலம் தேடி வந்தவர்கள் பட்டியலில் அதிகம் பேர் விஜய் என்று தேடிதான் வந்திருக்கிறார்கள் (அப்படியென்றால் ராஜபாட்டை ராஜா தளத்தில் இந்த கணக்கு ஆயிரத்தை தாண்டும் என்று நினைக்கிறேன்...)

பதிவுலகம் விஜய் பற்றி பதிவுகள் இல்லையென்றாலும் வாசகர்கள் தினம் தினம் அவரை கூகுளில் தேடிக்கொண்டுதான் இருக்கிறார்கள்... அதனாலையே இந்தபதிவு.

ரோஹன் அத்தியாயம்-1, பகலவன், இன்னும் சிலப்படங்கள் விஜய் பேர் அடிப்பட்டு தற்போது கைவிடப்பட்டுவிட்டது. தறபோது வெளிவர இருக்கும் துப்பாக்கி படம் விஜய்-யின் இமேஜை கொஞ்சம் தூக்கி நிறுத்துமா..? இல்லை படம் மொக்கையாகி பதிவுலக நண்பர்கள் கலாய்த்து பதிவிட ஏதுவாக இருக்குமா பொருத்திருந்து பார்ப்போம்.