இப்படிக்கூட பரவசப்படலாம்....!

நிலைக்கண்ணாடி முன்பு
நின்றுக் கொண்டு
எனக்குள் ரசித்துக்கொண்டிருக்கிறேன்
உன்னை...!  

என்னை மறந்து உறங்கினாலும்
விழித்துக்கொண்டிருக்கிறது
எனக்குள் உன் நினைவு...!

*****************************
 
அம்மா அம்மா என்று அழைக்கும்
மழலைகள் போல்...

உன்னை பொழிப்பெயர்க்கும்
என் முயற்சிகளையும்...

உன்னை காட்சிப்படுத்தும்
என் கற்பனைகளையையும்....

கவிதை என்று சொல்லிவிட்டுப்போகிறது
இந்த உலகம்....!
 
*****************************

எழுதி எழுதி பார்த்தாலும்
தீர்ந்துப்போகாத காதலை
எனக்குள் விதைத்து விட்டாய்...!

தழுவித் தழுவித் தீர்த்தாலும்
தீர்ந்தப்பாடில்லை
எனக்குள் ஊடுருவும் இன்பத்தை..!

தற்போதைக்கு உனக்குள்ளும் எனக்குள்ளும்
புன்முறுவலோடு உறங்கட்டும்
நம் காதல்...!


*****************************

உன்னை கலக்காத
என் கவிதைகளுக்கு
உயிர் இருப்பதில்லை...

உன்னை கலக்காமல்
கவிதை எழுத
இன்னும் கற்றுக்கொள்ளவில்லை...

உனக்கும் எனக்கும்
உயிராக இருந்து தவித்துக்கொண்டிருக்கிறது
என் கவிதைகள்...!

*****************************


உன் கண் பார்வை கிடைத்ததிலிருந்து
கர்வப்பட்டு கொள்கின்றன என் ஆண்மை...!

உன் மூச்சுக்காற்று என்னை உரசியதிலிருந்து
எனக்குள் உயிர்பித்துக் கொள்கிறான் பாரதி...!

என்னை சுற்றி வலைத்திருந்த தடைகளை நீக்கி
இந்த உலகைவிட்டு பறக்க
சிறகு கொடுத்துவிட்டுப்போகிறது
உன் காதல்...!
 
#பரவசக்_கவிதைகள்  

என் முகநூலிலிருந்து

*****************************