என்னடா நினைச்சிகிட்டு இருக்கீங்க..!

என்னடா நினைச்சிகிட்டு இருக்கீங்க...
உங்க மனசுல...

என்ன பார்த்த
உங்களுக்கு எப்படி தெரியுது...!

உங்க பகுதிகெல்லாம்
வரலன்னா...
ஏன் வர்லேன்னு தவியா தவிக்கிறது...

சரி போனாபோகுதுன்னு வந்தா
வா.. வான்னு பல்லகாட்றது
கவிதையா எழுதி கொல்றது...

அப்படியும் கொஞ்ச நாள்
தொடர்ந்து வந்தா
ஏன்டா வந்தேன்னு சபிக்கிறது...

இதுல என்னவச்சி
ஆளாளுக்கு சண்டவேற....
இப்ப போடுங்கடா சண்ட பார்க்கலாம்...

நான் வந்து கொஞ்சம் ஓவராத்தான்
பண்ணியிருக்கேன்...
அதற்கு காரணம் யாரு..!
நீங்க பண்ண அட்டகாசம்தான்ட...

என்னுடைய நண்பர்களை
நீங்க பழிவாங்குறீங்க...
அத பார்த்துகிட்டு நான் சும்மா
இருப்பேன்னு நினைச்சிங்களா..?

ஒரு பகுதிக்கு வந்தா
என்னை அங்கேயே
தங்க வைக்கனும்....

அதசெய்யாம
அப்படியே போக விட்றீங்க
அப்புறம் வந்து... ஐய்யோ
போய்ட்டானேன்னு கவலை படுறீங்க...

இப்படி இருந்தா எப்படிடா
நன்னாரி பயலுகளா...

சரி சரி இனிமேலாவது
பார்த்து நடந்துக்கங்க...

உங்க பகுதிக்கு
நான் வந்த தங்குறதுக்கு
சரியான ஏற்பாடு பண்ணிவைங்க....

நான் வந்து தங்குற
இடத்திலெல்லாம் நீங்க
உட்கார்ந்துகிட்டு
என்ன இம்ச பண்ணாதிங்க...

நான் வாழுற இடத்தை
ஏங்கிட்ட கொடுத்துடுங்க

என் இடம் தேடி நான் வரும்போது
ஒரு பய நிக்ககூடாது...
அப்படி நின்னா
நான் நானா இருக்கமாட்டேன்...

உங்களுக்கு புரிய
வைக்கிறதுக்குதான் நான்
இப்படி கோவமா
நடந்துக்க வேண்டி இருக்குது....

என்ன புரிஞ்தா...!

இந்த முறை என் கோவத்தை
கொஞ்சம் அதிகதமாகத்தான்
காட்டிட்டேன்
என்னை மன்னிச்சிடுங்க...

என்னை எப்படி நாசம் பன்றீங்கன்னு...
நீங்களே பாருங்க... ( கீழ்படம்)

அரசாங்கம் பண்ற தப்புக்கு
அப்பாவி பொதுமக்களுக்கு
நீங்கதான் மாட்டிக்கீறீங்க...

இப்படிக்கு...
தண்ணீர்

குறிப்பு

நண்பர்கள் - மரங்கள்
தங்குமிடம் - ஏரி, குளம், அணை.

கவிதைவீதி சௌந்தர்
20-08-2018

இது கவிதை பதிவல்ல...

ஒரு விழிப்புணர்வு பதிவு

மழையில் கூடவா காதல் இப்படி செய்யும்...!

விலகி நடந்த உன்னை
நெருங்க வைத்தது...

சிலையாய் நடந்த உன்னை
சிலிர்க்க வைத்தது....

வேகமாய் நடந்த உன்னை
நளினப்பட வைத்தது....

ரம்மியமாய் நடந்த உன்னை
ரசிக்க வைத்தது...

 ஆகையால் மழை நல்லது...!

நீ நட்டு வைத்த பூச்செடி
என்னை சபித்துக்கொண்டிருக்கிறது...

மழையில் நனைகிறதே என்று
குடைபிடித்ததற்கு....!

ஒருவேளை
உன்னை எனக்கு பிடித்தது போல்
செடிகளுக்கு மழை பிடிக்குமோ..?

அழிக்கவும் அழகாக்கவும்
செய்கிறது மழை...!

நீ போட்ட கோலத்தை
அழித்துவிடுகிறது...

நனையும் உன் கோலத்தை
அழகாக்குகிறது...

எதை அழிக்க வேண்டும்
எதை அழகாக்க வேண்டும்
என்று தெரிந்த மழையை...

ரசித்துக்கொண்டிருக்கிறேன்
உன்னோடு சேர்ந்து..!

 
#மழைக்_கால_கவிதைகள்

என் முகநூலிலிருந்து...

பெண்களுக்காக இப்படியும் ஒரு குழப்பமா...!

‌உன்னோடு சேர்ந்து நனைந்த
ஒரு மழைகாலத்திற்கு பிறகு
நான் வெட்கப்பட்டுக்கொண்டிருக்கிறேன்....

மழைக்கு ப‌யந்து ஓடி ஒளிந்த
நாட்களை நினைத்து...!

********************************

ஒரு மழைக்காலத்தில்
யாரும் பார்க்காத தருணத்தில்
ஈரத்தோடு ஈரமாய் ஒரு முத்தம்
பதித்துவிட்டுச்சென்றாய்...

உண்மையில் அன்று
என்னை நனைத்தது மழையல்ல...
உன் உதட்டின் ஈரம்தான்...!

இந்த பிரபஞ்ச மழையை விட
அதிகம் அதிசயம் செய்கிறது
உன் முத்தம்...!

 ********************************

எல்லா மழைக்காலமும்
ஒன்றுபோல் இல்லை...

உன்னோடு ஒரு முறை
சேர்ந்து நனைந்தப்பின்..

தற்போது
உன்னை நினைத்துக்கொண்டு
மழையில் நனைகிறேன்..

வெளியே மழையடிக்கிறது
உள்ளே அனலடிக்கிறது...!

********************************

நீ நனைகிறாய் என்று நானும்...
நான் நனைகிறேன் என்று நீயும்...

குடையைவிட்டு
ஒதுங்கியே நடக்கிறோம்...

யாரை காப்பது என்ற குழப்பத்தில்
நனைந்துக்கொண்டிருக்கிறது குடை....  

********************************

என் மழைக்கால கவிதைகள்..!