உங்களின் ஆசீர்வாதத்தையும்... வாழ்த்தையும் வேண்டி...

அன்பார்ந்த பதிவுலக  நண்பர்களுக்கும்.. வாசக பெருமக்களுக்கும் என் இனிய வணக்கங்கள்...

கடந்த 04-07-2014 அன்று என்னுடைய திருமணம் திருவள்ளூர் நகரில் நடந்தேறியது.

மிக குறுகிய காலத்தில் ஏற்பாடு செய்யப்பட்டதால் அனைத்து பதிவுலக நண்பர்களுக்கும் திருமண நிகழ்வை சொல்ல முடியாமல் போயிற்று... அதற்காக அனைவரிடமும் நான் மன்னி்ப்பு கேட்டுக்கொள்கிறேன்...

தற்போது உங்களுடைய ஆசீர்வாதங்களையும்... வாழ்த்துக்களையும்
வேண்டி நிற்கிறேன்...!

நேரில் வந்து வாழ்த்திய ஆபிஷர் மற்றும் 

வேடந்தாங்கல் கருண் குடும்பத்தினர்...

உங்கள் ஆசீர்வாதம் எங்களை பல்லாண்டுகாலம் வாழவைக்கும்...!

விஜய் நடத்திய கல்யாணத்தில் திடீர் கலாட்டா! சுவர் ஏறிகுதித்து தப்பி ஓடிய இளைய தளபதி! (படங்கள் இணைப்பு)

13.03.2013 புதன்கிழமை காலை 9 மணிக்கே நடிகர் விஜய் வருவார் என்று விழுப்புரம் ஆனந்தா திருமண மண்டபத்தில் ரசிகர்கள் காத்திருந்தனர். விஜய் மக்கள் இயக்கம் சார்பில் 11 ஏழை ஜோடிகளுக்கு 51 சீர்வரிசை பொருட்களுடன் திருமண ஏற்பாடுகள் செய்யப்பட்டிருந்தன.

மண்டபத்திற்குள் பத்திரிகை மீடியாக்கள் தவிர 700 பேர்களுக்கு மட்டுமே பாஸ் வழங்கப்பட்டிருந்தது. மண்டபத்திற்கு வெளியே சுமார் 1500 பேர் திரண்டிருந்தார்கள். 11 மணி அளவில் மண்டபத்துக்குள் வந்த விஜய், மண்டப பால்கனிக்கு வந்து நின்று வெளியே நின்றிருந்த ரசிகர்களுக்கு டாடா காட்டிவிட்டு உள்ளே சென்று திருமணத்தை நடத்தி வைத்தார்.

பின்னர் பேசிய விஜய், எனது தங்கை வித்யா சிறுவயதில் தவறிவிட்டார். அவர் நினைவாக இந்த திருணமங்கள் நடத்தி வைக்கப்படுகின்றன. இதன் மூலம் தமிழகம் உட்பட உலக அளவில் எனக்கு தம்பி, தங்கைகள் கிடைத்துள்ளனர்.

இப்படி பேசிக்கொண்டிருக்கும்போதே, ரசிகர்கள் கூட்டம் பூட்டப்பட்ட மண்டபத்தின் கதவு திறக்காததால் கண்ணாடிகளை வாட்டார் பாட்டில்களால் உடைத்துக்கொண்டு திபுதிபுவென்று உள்ளே நுழைந்தவர்கள் சேர்களையும் அடித்து நொறுக்கினார்கள்.

திருமணத்துக்கு மந்திரம் ஓத வந்த பிராமணர்கள், பத்திரிகை போட்டோகிராபர்களுக்கு கண்ணாடி துண்டுகள் குத்தி காயங்கள் ஏற்பட்டது. அனைவரும் உயிர் பயத்தில் உரைந்தனர்.

இந்தக் காட்சிகளை பார்த்து அதிர்ச்சியடைந்து பேச்சை சீக்கிரம் முடித்த விஜய், ரசிகர்களோடு ரசிகராக கும்பலில் புகுந்து பக்கவாட்டு சுவர் ஏறிகுதித்து மண்டபத்தை விட்டு வெளியேறி தயாராக இருந்த காரில் தப்பிவிட்டார். ரசிகர்கள் கூட்டம் மண்டபத்தில் உள்ள கும்பலில் விஜயை தேடி ஏமாற்றம் அடைந்தது.

விஜய் ரசிகர் மன்ற நிர்வாகிகள் இதுகுறித்து கூறியதாவது, இவ்வளவு கூட்டம் வரும் என்று நாங்கள் எதிர்பார்க்கவில்லை. இனி வரும் காலங்களில் முன்னெச்சரிக்கையாக இருப்போம் என்றனர்.

விஜய் நடத்தி வைத்த கல்யாணம் கலாட்டா கல்யாணமாகிப்போனது மட்டுமல்லாமல், கல்யாணத்துக்கு வந்திருந்தவர்கள் சாப்பாடு இல்லாமல் பட்டினியோடு சென்றனர்.

 

படங்கள் நன்றி நக்கீரன்

40 தொகுதியும் வெல்ல ஜெயலலிதா சபதமும்..! திருமணம் செய்துகொண்டதற்கு வருந்தும் கமலும்...!

 

2014-ம் ஆண்டு நடைபெற உள்ள லோக்சபா தேர்தலில் அதிமுக 40 தொகுதிகளிலும் வெற்றிவாகை சூட தொண்டர்கள் களப்பணியாற்ற வேண்டும் என்று எம்.ஜி.ஆர் நினைவிடத்தில் தொண்டர்கள் புடைசூட முதல்வர் ஜெயலலிதா உறுதிமொழியில் கேட்டுக்கொண்டார். 

 

அதிமுகவின் நிறுவனரும் முன்னாள் முதல்வருமான எம்.ஜி.ராமச்சந்திரன் 25-வது நினைவு தினம் இன்று அனுஷ்டிக்கப்பட்டது. சென்னை மெரீனா கடற்கரையில் அமைந்துள்ள எம்.ஜி.ஆர் நினைவிடத்திற்கு இன்று காலை 10 மணிக்கு வந்த முதல்வர் ஜெயலலிதா மலர்வளையம் வைத்து மரியாதை செலுத்தினார். 

 

நினைவிடம் அருகே அமைக்கப்பட்டு இருந்த மேடைக்கு வந்தார். அங்கு உறுதி மொழி ஏற்கும் நிகழச்சியில் கலந்து கொண்டார் எம்.ஜி.ஆருக்கு மரியாதை செலுத்தும் வகையில் அனைவரும் 2 நிமிடம் மவுன அஞ்சலி செலுத்தினர். இதையடுத்து அமைச்சர் ஓ. பன்னீர்செல்வம் உறுதி மொழியை வாசிக்க கூடியிருந்த நிர்வாகிகள், தொண்டர்கள் உறுதி மொழி எற்றுக் கொண்டனர். 

 

உறுதிமொழிகளை வாசித்த, அதிமுக பொருளாளர் ஓ.பன்னீர்செல்வம், காவிரி நடுவர் மன்ற இறுதித்தீர்ப்பை அரசிதழில் வெளியிட முயற்சி மேற்கொண்ட முதல்வருக்கு பாராட்டு தெரிவித்தார். 

 

40 நாடாளுமன்ற தொகுதிகளையும் கைப்பற்றும் வகையில் கட்சித்தொண்டர்கள் களப்பணியாற்ற வேண்டும் என்றும் உறுதிமொழி ஏற்பின்போது அவர் கேட்டுக்கொண்டார். இந்த நிகழ்ச்சியில் ஆயிரக்கணக்கான தொண்டர்கள் கலந்து கொண்டனர்.

 

 *************************************

 

தான் திருமணமே செய்திருந்திருக்கக் கூடாது என்று உலக நாயகன் கமல் ஹாசன் தெரிவித்துள்ளார். 

 

இது குறித்து அவர் பிரபல ஆங்கில நாளிதழ் ஒன்றுக்கு அளித்த பேட்டியின்போது கூறுகையில், 

 

எனக்கு திருமணத்தின் மீது நம்பிக்கையே இல்லை. நான் திருமணமே முடிக்காமல் இருந்திருக்கணும். ஆனால் வாணி, சரிகாவின் வசதிக்காக திருமணம் செய்து கொண்டேன். 

 

வாணி லிவ் இன் முறைக்கு ஒப்புக்கொள்ளவே மாட்டார். அவரை சம்மதிக்க வைக்க நான் அப்போது தயாராக இல்லை. இரண்டு குழந்தைகள் பெற்ற பிறகும் நானும், சரிகாவும் ஒன்றாக ஹோட்டலில் தங்கினால் ஒரு மாதிரி பேசும் சமூகமாக இருந்தது. 

 

சரிகாவுக்கும், எனக்கும் திருமணமாகி 17 ஆண்டுகள் ஒன்றாக இருந்தோம். 12 ஆண்டுகள் கூட இந்த திருமணம் நீடிக்காது என்று நினைத்தேன். ஆனால் எங்கள் பிரிவு குழந்தைகளை பாதிக்கும் என்பதால் தள்ளிப்போட்டுக் கொண்டே போனோம். குழந்தைகள் ஓரளவுக்கு பெரியவர்களாக ஆகும்வரைகாத்திருந்தோம். 

 

கௌதமி மிகவும் வித்தியாசமானவர். அவர் தன்னை மணந்து கொள்ளுமாறு ஒரு நாளும் என்னை வற்புறுத்தியதில்லை என்றார்.

பதிவுலகில் ஒரு உறவு சங்கமம்... நம்ம ஆபீஷர் வீட்டுக்கல்யாணம்...

தமிழகத்தில் வடகோடியான திருஎவ்வளூரில் (திருவள்ளூர்) இருந்து தென்கோடிக்கு பயணிக்கபோகிறேன். அதுவும் ஒரு சாதாரண நிகழ்வுக்காக அல்ல. உறவுகள் கூடும் அன்பான இருமணங்கள் இனையும் ஒரு நெகிழ்ச்சியான திருவிழாவில் கலந்துக்கொள்ள...

இதுவரை முகம்பார்த்திடாத சில அன்பு உள்ளங்களைக் கண்டுணற, தூரத்தில் இருந்தே மனம் வீசிய அழகிய குறிஞ்சி மலர்களைத் தொட்டுணர, கம்பிகள் வழியே உரவாடிய சில உள்ளங்களை அன்புகள் வழியே அணைத்துக்கொள்ள... இதுவரை நிலத்தை பார்த்திடாத புது மேகம் போல் புறப்படுகிறோம்....

கடந்த சில நாட்களாய்... இரவு முடிந்தால் சுற்றுலா சொல்லும் குழந்தையின் மனதோடே படுக்கிறேன். என் கண்முன்னே நிழலாடும் காட்சிகளை எதுகைமோனையில் வர்ணிக்க எனக்குள் புதியதாய் வார்த்தைகள் ஏதுமில்லை...

வண்ணத்தில் தொடங்கி எண்ணத்தில் முடியும் அத்தனை வேறுபாடுகளையும் தூரத்தில் தூக்கி எரிந்து விட்டு அன்புக்கு அடிப்பணிந்து அரவணைத்துக்கொள்ள என் கரங்களும் நீள்கிறது தமிழகம் முழுமைக்கும்...

எங்கெங்கோ இருந்துக்கொண்டு பதிவுகள் வழியே அறிமுகமாகி, கருத்தால் படைப்புகளால் பழகி... பழகி..., ஒவ்வொறு நாலும் தமிழ்விருந்து படைத்து நட்பு வளர்த்து,  செல்லமாய் சண்டையிட்டு நட்பை வளப்படுத்தி இன்று அதையும் தாண்டி உறவுகளாய் சங்கமிக்கப்போகிறோம்.

தமிழகத்தின் மேற்கும் (சிபி செந்தில்குமார்) கிழக்கும் (நக்கீரன், ராஜபாட்டை ராஜா), வடக்கும் (நானும் வேடந்தாங்கல் கருணும்) தெற்கும் (தமிழ்வாசி பிரகாஷ் உள்ளபட அனைவரும்) தரணி‌போற்றும் தாமிரபரணி நதிக்கரை நகரில் சங்கமிக்கப்போகிறது...

இன்னும் நிறைய நண்பர்களை சந்தித்து உறவாக்கிக்கொள்ள முடியும் என்ற நம்பிக்கை எனக்கு இருக்கிறது... இதுவரை வேலி அளவுக்கூட தாண்டாத என் நட்பின் எல்லை இன்றைக்குத் தமிழர் வாழும் நாடுகள் அனைத்திலும் பரவிக்கிடக்கிறது என்று என்னும் போது மிகவும் மகிழ்ச்சியாக இருக்கிறது.

தன்வீட்டு விழாவிற்கு பதிவுலக நண்பர்களை அழைத்த கௌரவப்படுத்திய   இதயம் கனிந்த அருமை நண்பர் திரு உணவு உலகம் சங்கரலிங்கம் ஐயா அவர்களின் இல்லத்திருமணத்தில் கலந்துக்கொள்வது பெருமைக்குரிய விஷயமே... அதற்காக அவருக்கு என் மனமார்ந்த நன்றியை தெரிவித்துக் கொள்கிறேன்...

நெல்லை நோக்கிய பணயம்.... தாமிர‌பரணியில் சங்கமிப்போம் வாருங்கள் நண்பர்களே..!

பயண விவரம் நானும் (9443432105), நண்பர் கருணும் (9042784428)
நாள் : 24.04.2012 செவ்வாய் காலை 7.30  மணி
குருவாயூர் எக்ஸ்பிரஸ், சென்னை.
நெல்லை : 24.04.2012 மாலை 7.30 மணி அளவில்

எங்களுடன் மதுரையில் தமிழ்வாசி பிரகாஷ் கலந்துக்கொள்வதாக வாக்கு கொடுத்திருக்கிறார்.

காப்பாத்தினது தப்பா...? இந்த பெண்ணுங்களே இப்படித்தான்...!

இந்த உலகத்தில் திருமணம் என்பது ஒரு கட்டாய மற்றும்  சமூக ‌வழக்கமாக இருந்து வருகிறது. திருமணத்திற்கு பிறகு வாழ்க்கை எவ்வாறு அமைகிறது என்று யாராலும் சொல்லமுடியாது.

‌மனைவி அமைவதெல்லாம் இறைவன் கொடுத்தவரம் என்று சொல்வார்கள். அப்படி எல்லோருக்கும் அமைந்து விடாது. சிலர் ஆர்வ கோளாரில் திருமணம் செய்துக்கொண்டு படுகிற அவஸ்த்தை இருக்கிறதே அப்பப்பா...

அதனாலே... உங்களை புரிஞ்சிக்கிட்ட பொண்ணை கல்யாணம் பண்ணிக்கங்க.. அப்படி இல்லன்னா கல்யாணம் முடிஞ்சபிறகாவது நல்லா புரிஞ்சிக்கங்க... இரண்டு பேரும் புரிஞ்சி நடக்கிறதுதான் உண்மையான கல்யாண உறவு. இரண்டு பேருடைய அந்தரங்கம் விஷயங்களில் ஒத்துபோய்விட்டால் எந்த குடும்பத்திலும் பிரச்சனைகளே இருக்காது.

வாழ்க்கையை புரிந்துக்கொள்ளாதவர்களின் முடிவு எப்படி இருக்கிறது பாருங்கள்...

அதான் சொல்றேன் வாழ்க்கையை புரிஞ்சி நடந்துக்கங்க...
 
டிஸ்கி : எல்லா பெண்களும் இப்படியில்லை. ஒரு சிலருக்காக இந்தபதிவு..
 
டிஸ்கி : மக்களே  இது ஒரு நகைச்சுவை பதிவு...  அப்புறம் நம்ம மகளிர் அணி சண்டைக்கு வரவேண்டாம்.