எனது முதலிரவு அனுபவங்கள்...

கோடி அணுக்களில் 

ஒற்றை அணுவை  உள்வாங்கி
பத்து மாதங்கள் உயிவளர்த்து மெய்வளர்த்து 

இந்த பூமிப்பந்தில் வந்து விழுந்து...

என் விழிகள் அறிந்திருக்க 
சாத்தியமில்லாத

நான் முதல்முதலாய் காற்று சுவாசித்த
ஒரு முதல் இரவு...

தமிழின் அகரமும் ழகரமும் படிக்க
பள்ளியில் சேர்த்த பிறகு
பிரம்போடு வந்த ஆத்மாக்களை நினைத்து

உதரலோடு நடுங்கிய 
ஒரு முதலிரவு... 

வேடந்தாங்கல்... மகாபலிபுரம்...

சுற்றுலா செல்ல பெயர்கொடுத்துவிட்டு

பயம்கலந்த எதிர்பார்ப்பில்
என் கற்பனை குதிரைகள் 
பலமுறை சிறகடிக்க
 விடியாமல் நீண்டது 
ஒரு முதல்இரவு...

ஒரு பனிகால சந்திப்பில்...

சுற்றியிருக்கும் உலகத்தை
தன் தோள்மீது எனை அமர்த்திக்காட்டிய
என் தந்தை இறந்துப்போக

அவரில்லாது அழுகையோடு க‌ழிந்த
ஒரு முதல் இரவு..

எனக்குள் வாலிபம் உருவெடுக்க

ஒரு முடியாத வசந்த காலத்தில்
கன்னியவள் முகம்பார்த்து

காதல் வந்து தொற்றிக்கொள்ள...


இறந்தும் இறவாமலும் உயிர்வா‌ழ்ந்த 
என் இமைகள் மூடாது இம்சித்த

ஒரு முதல் இரவு...

என முதலிரவுகள்
என்னை உணரவைத்தவைகள்..

இனி என்று வருமோ...
மஞ்சத்தில் புரண்டு
மலர்களோடு குழைந்து

என் ஜென்மம் பூரணமடைய
ஒரு முதல்இரவு... 

சும்மா ஒரு கருத்துச் சொல்லுங்க....