எப்படி பேர் வைச்சிருக்கங்க பாரு..

“ஏங்க... நம்ம பிள்ளைக்கு என்ன  பெயர் வைக்கலாம்?”
 

“‌அதுதான் யோசிச்சிக்கிட்டிருக்கேன்.”
 

“எவ்வளவு நாள் யோசிப்பீங்க.”
 

“அவசரப்படதே. குழந்தை உளவியல் நிபுணர்கள் என்ன சொல்றாங்க தெரியுமா?”
 

“என்ன சொல்றாங்க?”
 

“சில வகைப் பெயர்களாலே குழந்தையின் ம‌னோபாவம், ஆளுமை மாறிப் போயிடுதாம்...”
 

“அது எப்படி?”
 

“ரொம்பவும்  பழக்கத்துலே உள்ள பொதுவான பெயர்களைச் சூட்டினா குழந்தை தனித்தன்மையை இழந்துடும்ங்கறாங்க..! அதே மாதிரி ஆணா பெண்ணான்னு கண்டுபிடிக்க முடியாத  பேரா வச்சுடறாங்க பருங்க...  அப்படி வைச்சா அவங்க பாலினத் தனித்தன்மை குன்றிவிடும். அப்படிங்கறாங்க!”
 

“பேர் வைக்கறதுலேயும் இவ்வளவு விஷயம் இருக்கா..?”

”ஆமாம்... சினிமாவுலே வர்ற காமெடி நடிகர்கள்... பாத்திரங்களின் பெயர்கள்... வில்லன்கள் பெயர்கள்... அப்புறம்.. மதம்.. சாதி.. இனம்.. இப்படி இனம் காட்டிப்பிரிக்கும் பெயர்கள்.. இதையெல்லாம் வைக்க வேண்டாங்கறது நிபுணர்களின் ஆலோசனை. உச்சரிக்கவும் எழுதவும் சில பெயர்கள் ரொம்பக் கடினமா இருக்கும்... இதெல்லாம் வேண்டாங்கறாங்க!”
 

”ஓஹோ.. இவ்வளவும் யோசிச்சிக்கிட்டுதான் இப்படி உக்கார்ந்திருக்கீங்களா?”
 

“பின்னே... என்ன சும்மாவா உக்கார்ந்திருக்கேன்? இன்னோரு முக்கியமான விஷயம்?”
 

“எனனது..”
 

“சிலருடைய பெயரை செல்லமா சுருக்கி கூப்பிட்டா விபரீதமா  போயிடும்.. என்னோட பேர் மாதிரி...! அப்படிப்பட்ட பெயரையும் தவிர்க்கணும்..!”
 

“இருந்தாலும் உங்க  பேரைச் சுருக்கி செல்லமா கூப்பிடறதுதான் எனக்கு ரொம்பப் பிடிக்குது..!”
 

“நீ அப்படிக் கூப்பிடறப் போவெல்லாம் எனக்குக் கோபம் வரும்... ஆனா... உம் பேர்லே இல்லை....!”
 

“வேற யார் பேர்லே?”
 

“ மாடசாமி-ன்னு எனக்கு பேர் வச்ச எங்க அப்பா பேர்லே!”
 

நன்றி : தென்கச்சி கோ. சுவாமிநாதன்

உண்மைதாங்க குழைந்தை பேர் வைக்கிறப்ப சில பெற்றோர்கள் அதிகம் யோசிப்பதில்லை. அப்போது என்ன பேர் அதிக பிரபலமாக இருக்கிறதோ அதை வைத்து விடுகிறார்கள்.. (தற்போது எங்கள் பள்ளியில் ஒரு வகுப்புக்கு 5 விஜய் 4 அஜித், 2 தனுஷ், 4 திரிஷா.)  என சினிமா நட்சத்திரங்களின் பெயர்கள்தான் அதிக இருக்கிறது..

தற்போது வைக்கும் பெயர் அந்த குழந்தை வளர்ந்து பெரியவனாகி, அந்த குழந்தையின் வாழ்நாள் முழுமைக்கும் அந்த பெயர் பெருந்தகூடியாதா? என்று கொஞ்சம் கூட யோசிப்பதில்லை...

இன்னும் தற்போது.. நாகரீகம் வளர்ந்த போது கூட, தங்களுடைய குல தெய்வம் பெயர்கள், தங்களுடைய முதாதையர்கள் பெயர்கள், என வைத்து எதிர் காலத்தில் அவர்களை முகம் சுளிக்க வைத்து விடுகிறார்கள்.. ஒரு சபை நடுவே தன்னுடைய பெயரை உரக்க சொல்லக் கூட நிறைய பேர் தயங்கும் நிலைக்கு தள்ளப்பட்டிருக்கிறார்கள்..

தற்போது நியூமரலாஜி என்ற பெயரில் இருக்கும் பெயரை சுருக்குவது.. நீட்டுவது.. உடைப்பது.. என்று ஒரு குருப் இரங்கிவிட்டது..

சிலர் தாம் ‌எப்படியாவது பிரபலமாக வேண்டும் என்ற  நோக்கில் நன்றாக இருக்கும் பெயரைக்கூட புனைப் பெயரில் என்று  தன்பேருடன் சேர்த்துக் கொள்கிறார்கள் (உதா. பன்னிகுட்டி, கோமாளி,  அஞ்சா சிங்கம்,  ரொம்ப நல்லவன்.. பட்டாபட்டி.. டெரர்.. ‌சேட்டைக்காரன்.. ஓட்டவடை) இப்படியெல்லாம் பெமஸ் ஆகராங்க.... (இவங்க நம்மாளுஙக..)

எது எப்படியோ நம்பபேர  கேட்ட நாலு பேரு அதிரனும்.. இல்லன்னா வாழ்த்தனும்... அது சரி.. உங்க பேரை சொல்லிட்டு போங்க..

இதை படிக்கு அன்பு வாசகர்களே.. பதிவர்களே.. 

இது நல்ல பதிவு என்று நீங்கள் நினைத்தால் மட்டும் 

வாக்களியுங்கள்.. பின்னுட்டம் இருங்கள்.. நன்றி..

முந்தைய பதிவு :   இவங்க ஜெயிக்க மாட்டாங்க..