ரஜினி கொண்டாட வேண்டிய மனிதர் தானா..? உண்மையை தயங்காமல் சொல்லுங்கள்

ரஜினி...! திரைவுலகம் இருக்கும்வரை அவ்வளவு எளிதில் மறைக்கமுடியாத உச்ச நட்சத்திரமாய் என்றும் மின்னிக்கொண்டிருப்பார். அவரது முதல் படமான அபூர்வ ராகங்களில் இருந்து  அடுத்து வெளிவர இருக்கும் கோச்சடையான் வரை அவரது படங்களின் எதிர்ப்பார்புகள் 6-ல் இருந்து 60 வரை உள்ள அனைத்து ரசிகர்களுக்கு இருக்கிறது.

சிலர் அப்படி என்ன சாதித்து விட்டார். அவருக்கு ஏன் இந்த பாராட்டுகள் என்று மார்தட்டலாம். என்னுடைய கருத்தின் படி அவர் என்னதான் செய்ய வேண்டும். ஒரு தனிமனிதன் தன்னுடைய பொது வாழ்வில் தூய்மையாக இருந்தாலே போதும். அந்த குணமே அவரை பாராட்ட போதுமானது ஆகும். 

ஒருவரை பாராட்ட அவர் கொடை வள்ளலாக இருக்க வேண்டும் என்றோ அல்லது இந்த நாட்டுக்காக போராட வேண்டும் என்ற அவசியம் இல்லை. தன்னுடைய குணாதசியங்களால் மற்றவரை ஈர்த்தாலே போதும்.

திரைவுலகில் இருக்கும் அத்தனைப்போரும் ஒருமனதாக ரசிக்கும் ஒரே மனிதர் ரஜினி மட்டுமே. பொதுவாக திரையில் வரும் ஒரு முகம் நேரடியாக பார்த்தாலோ அல்லது அவரைப்பற்றி கேள்விப்பட்டலோ பொது மக்களிடம் ஒரு அந்த தகவலை பார்க்க கேட்க என ஈர்ப்பு இருக்கும். 

பொது மக்கள் அதிகமாக இருக்கும் ஒரு இடத்தில் சாதாரன ஒரு சின்னத்திரையில் வரும் நடிகர் வந்தால் கூட அவரைச்சுற்றி மக்கள் கூடிவிடுவார்கள். அதற்காக அவர் என்ன செய்துவிட்டார். அவரை ஏன் இவ்வளவு பேர் சுற்றிக் கொண்டிருக்கிறீர்கள் என்று கேள்வி கேட்பது தவறு.

தன்னை கொண்டாட வேண்டும், தன்னை மக்கள் பண்பாடவேண்டும், ஊர் முழுக்க தன்னுடைய படங்களை ஒட்டி கொண்டாட வேண்டும் என்று ஒரு சில நடிகர்கள் வேண்டும் என்றால் விரும்பலாம் ஆனால் பெரும்பாலான நடிகர்கள் இந்த வட்டத்தில் வருவதில்லை. ரஜினி அந்த வரிசையில் முதல் ஆள். அவர் சொன்னால் வாரம் ஒரு விழா ஏற்பாடு செய்கிற ரசிகர்கள் இங்கு இருக்கிறார்கள். ஆனால் ரஜினி அதை விரும்புவதில்லை.

படம் தோல்வி அடைந்தால் அதற்காக நஷ்டத்தை திருப்பி கொடுத்த ஒரு நடிகர் திரைவுலகில் இருக்கிறார் என்றால் சொல்லுங்கள் பார்ப்போம். சொடிந்த தயாரிபாளர்களுக்காக படம் நடித்த கொடுத்த ஒரு ஹூரோ இங்கு வேறு யாராவது இருக்கிறார்களா..? 

இன்னும் தன்னை சுற்றியிருக்கிற பல்வேறு நண்பர்களுக்கும், சுற்றத்திற்க்கும் சத்தமில்லாமல் உதவி செய்துக்கொண்டிருக்கும். நட்சத்திரங்ள் மிகக்குறைவே. அந்தவையில் ரஜினி கொண்டாட வேண்டிய மனிதர்தான்.

ஒரு மனிதரை பிரபலமாக இருக்கிறார் என்பதற்காக அவரை வசைப்பாட வேண்டும் என்று சிலர்மாத்திரம்தான் இங்கு இருக்கிறார்கள். அவர்களுக்கு ஒரு உயர்ந்த மனிதரை அவருடைய பிறந்த நாளான ஒரு உன்னதமாக வரும் 12-12-12 என்ற தேதி வரிசையில் அவரை வாழ்த்தாமல், புகழால் இருக்க முடிவில்லை...

மங்காத திரைச்சூரியனுக்கு ஒளிரும் நட்சத்திரங்களின் வாழ்த்தோடு என்போன்ற மின்மினிகளின் வாழ்த்துகளையும் ஏற்றுக்கொள் தலைவா...!